Friday, October 23, 2009

العالم العربي

تميم البرغوثي قلم و قدرات ابداعية منقطعة النظير

تسمعه فتحس انه يسرق الكلمات من فمك

ينسجها لغة ساحرة

باهرة التراكيب البيانية و التمازجات اللغوية

قصيدته في العالم العربي من اجمل ما كتبه

و ما سمعته له في هذه الشبكة العنكبوتية !!!!!

*****************************************

في العالم العربي تعيش

كما قط ساكن تحت عربية

عينيه ما تشوف م الدنيا دي حاجة إلا الجِـزَم

في العالم العربي تعيش

كما بهلوان السيرك تحتك بهلوان

دايس عليه وفوق دماغك بهلوان دايس عليك

والكل واقف محترم

في العالم العربي تعيش

مباراة بقالها ألف عام

لعّيبة تجري يمين شمال

والكورة طول الوقت في إيدين الحكم

في العالم العربي تقول للبنت حبيتك تناولك بالأَلَم

في العالم العربي تعيش، تشتم في طعم المية

و الطعمية والقهوة ورُوَّادها وفي مراتك وأولادها

وحر وزحمة الأوتوبيس وفي اللي بيعمله ابليس وفي التفليس

ولو سألوك تقول الحمد لله ربنا يديمها نعَم

في العالم العربي تعيش

كما دمعة في عيون الكريم

المحنة تطردها يرجّعها الكَرَم

في العالم العربي تعيش

تلميذ في حوش المدرسة من غير فطار

عينه على الشارع وبيحيي العَلَم

في العالم العربي تعيش

بتبص في الساعة وخايف نشرة الأخبار تفوت

علشان تشوف ع الشاشة ناس

!!!! في العالم العربي تموت.

1 comments:

soly88 said...

العزيزه جسور
تميم موهيه جميله
لكن ما دام هناك البشير والقذافى وغيرهم
كيف يعيش الانسان محترم
مجرد وجودهم يحرمنا من ذلك